بقلم بنت السويس : سلمى رشيد

مابين اتنين بتفكيرهم
واحساسهم ومشاعرهم
انا ف النص باجبرهم
انا استثناء....
عشان جوزاء
دموعي تبان اقوم ضاحك
ولما اضحك..دموعي تبان
جبان جدا..جرئ برضة
هدوئي ساعات بيبقي جنان
بحب ادي حاجات ياما
مابتحججش انا ب ظروف
ولما احتاج ف يوم..اخد
يبان قلبي ال جرئ مكسوف
مع الحنيه في قسوه
ف وقت ما يملا روحي الخوف
عنيد ف الحب من يومي
مابتهزش ف اي فراق
انا استثناء....
عشان جوزاء
بيحسب قلبي دقاته
وحابس فيا احساسي
بحن ساعات ل ناس ماتوا
قصاد عيني.. و ابان قاسي
بحس ب كدب كل الناس
وبقرا عنيهم ال خاينه
مع ذلك ساعات بندم
ياريتني ماشوفتها باينه
برغم اني بهون عادي
مفيش ف حياتي ناس هاينه
مع ذلك يلين قلبي
يروح العند بالاشواق
انا استنثناء
عشان جوزاء ;-)

#سلمي_رشيد