للشاعر : مصطفي خليفه 

شارع وانا واشارة بتنور وقوف
ورصيف بيحضن ست نايمة بسقعته
ورقة مجله ماشيه خوفا م الهوا
وصولو صمت بيعزفه شارع وحيد
شارع جعان
والشتا تلاجته فاضيه 
من البشر والسهرانين
شارع بيسرح يفتكر 
العشره سنتي كعب بنت
بتعزف الخطوه بدلع
صوت فرشه البويا 
بتطرد ع الملاء
اخر جرافتي مزين الصور العجوز
صوت ضعف بيقول 
والنبي لقمة شبع
صوت عمر شايب 
بس مليان بالشقي بيقول يارب
صوت الكلاكس 
اتوبيس بيعلن عن وصوله للمحطه
بنوته ماشيه 
بتروى روحها بصوت منير
والسماعات بينقطوا 
منها الكلام 
صوت الزحام
صوت القلق 
صوت الهتاف 
او ضرب نار 
او صوت بخوف بيقول بحب
شارع ولكن
لما لمح في عيوني نظرات الوجع
نور اشارته بالعبور 
علشان دموعي ما تتفضحش 
لمراية التاكس اللي قرر
تننهي لجظة رجوع باللذاكره