السويس على خريطة مشروع زراعة خمسين مليون شجرة مثمرة فى مصر ...فى الحدائق العامة و الشوارع و المدارس و المستشقيات وكل المساحات الخالية فى المناطق السكنية الجديدة.
حلمنا نزرع خمسين الف شجرة فى السويس.
طيب ايه اللى تقدر تقدمه لنا الجمعية المسئولة عن المشروع ده فى مصر؟
الجمعية متعاقدة مع مجموعة من المشاتل الكبرى فى محافظات مختلفة 
باتفاقنا مع الجمعية ..هيبقى لنا الحق ناخد من المشاتل دى باسعار زهيدة جدا حسب تعاقد الجمعية مع المشاتل دى 
مثلا شتلة الليمون بجنيه ..شتلة الرمان بجنيه ونص ...الخ
طبعا الاسعاردى ما تجيش عشرين فى المائة من اسعر اى مشتل و مش عايز اقلك ما تجيش عشرة فى المائة من اسعار المشاتل فى السويس.
حتى النقل من محافظات مختلفة للسويس هيتم بعربيات المشاتل باسعار زهيدة جدا حسب تعاقد الجمعية مع المشاتل.
تخيل انك ممكن تزرع الف شجرة بتمن كولدير مية ممكن تعمله فى الشارع
حضرتك الجمعية ما بتقبلش اى تبرعات مادية ..دورنا هيكون فى حالة طلبك المشاركة معانا نشوف طلباتك كام و نتفقلك على الكمية اللى عايزها باسعار الجمعية و سيادتك هتدفع بنفسك لحظة الشتلات ما هتجيلك.
يعنى مفيش حد هياخد مجهودك و ينسبه لنفسه ... انت الواجهة وانت الكل فى الكل .. كل اللى هنعمله هنسجل الكميات دى كرصد لتقدم المشروع واللى وصل لحد دلوقتى ل 365 الف شجرة فى فترة وجيزة
شرطنا الوحيد ان الاشجار دى تتزرع فى اماكن عامة حتى لوقدام البيت فى شارعك 
هنرتب معاك و مع جهاز التجميل الاماكن اللى ممكن تزرع فيها فى حالة الكميات الكبيرة
فيه اجمل من كده صدقة جارية؟
استحضر النية فى قلبك باكبر عدد من الناس اللى هتوهبهم الصدقة الجارية دى ولهم جميعا نفس الاجر ان شاء الله و ما تنسانيش فى نيتك
العمل خالص لوجه الله و من اجل السويس و شعبها
شاركونا الخير حتى لو بنشر البوست ده
هنقدر يا سوايسة نخلى السويس فى مقدمة المحافظات المشاركة ولا لا؟
ياريت اللى يقدر يساهم معانا فى المدارس و المستشفيات و الجامعة و المصانع يتواصل معايا

منسق المشروع فى السويس 
حمدى صديق احمد