بقلم : هدى الشريف
بيكيا
حاجات قديمة للبيع
سجادة داس عليها بجزمته
ستارة دارت يوم علي شمعته
عايزة ابيع الذكريات
كل حاجه لسه فيها كدبته
بدله صوف لزوم قيافه حضرته
مرايا في البيت شافت نفخته
عايزة ابيع الذكريات
كام جزمة لميع مركونه في درفته
شوية كتب بيداري بيهم لبخته
كل حاجه هنا للبيع من تركته
عايزة ابيع الذكريات
اي حاجه شافت يوم طلته
بيكيا
حاجات قديمة للبيع
مش عايزة تاني دنيته
ولا اني انام علي مخدته
عايزة ابيع الذكريات
لان لسه فيها لعنته
بيكيا ...بيكيا
حاجات قديمه للبيع
...... ببلاش.....
أحدث مقالات السويس بلدي
- ننشر جدول تخفيف أحمال التيار الكهربائي بمحافظة السويس
- نقابة المهن الموسيقية تنعي الفنانة شيرين سيف النصر
- ننشر اجابات مسابقة خليها سويسي النسخة الثانية
- محافظ السويس يتبادل التهاني مع النواب القيادات التنفيذية والشعبية بمناسبة عيد الفطر المبارك
- محافظ السويس ومديرالامن والنواب والقيادات التنفيذية والأهالي يؤدون صلاة عيد الفطر المبارك بمسجد بدر