Login to your account

Username *
Password *
Remember Me


بقلم : شرين سعد أحمد
شاعرة جنوب الوادي

أنا المصرية وطباعي
تقول عني دي شرقية
ومش مكسوفة من لوني
ولو قالوا دي خمرية
و حتى الكل يشهدلي
لإني ف شدتي قوية
،،،،،،،،،،،،،،،،،،،،،
أنا الصعيدية من قِبْلي
ومين في الجدعنة قَبْلي
في بيتي وغيطي سدادة
وطاعتي لراجلي دي عبادة
ولو ضاقت عليه مرة
بيجي الخير يقول قابلي
،،،،،،،،،،،،،،،،،،
أنا الفلاحة من بحري
في دلتا بلادي من بحري
أنا اللي ولدت رجاله
لا هم نيين ولا عواله
ومن نيلهم أهم شربوا
وصادوا من سمك بحري
،،،،،،،،،،،،،،،،،،،،
أنا السيناوية زاينة الأرض
وصنا ترابنا زي العرض
جبالنا شامخة زيينا
جمالها طل في عنينا
ولا نركع لغير الله
نصلي السنة و يا الفرض
،،،،،،،،،،،،،،،،،،،،
أنا النوبية لون التمر
وفيا الحسن قايد جمر
وحارسة السد بعيوني
ودهبي وطيني نادوني
وأسوان بلدي لو تحتاج
تناديني وتؤمر أمر
،،،،،،،،،،،،،،،،،،،
أنا البدوية من مطروح
معاي الفخر وين ما بروح
أنا اللي رعيت ورا غنمي
وأنا اللي سمعت صوت نغمي
وأنا اللي يتحلف بيا
ومصر في قلبي نبض الروح
،،،،،،،،،،،،،،،،،،،،،،،
أنا السويسية بنت قنال
وبورسعيدية لابسة الشال
ترابك يا إسماعيلية
بينشد ليا أغنية
بنات جدعان ومن يومهم
يودوا العم ويا الخال
،،،،،،،،،،،،،،،،،،،،

قيم الموضوع
(0 أصوات)
Ad Sidebar

فيس بوك

Ad Sidebar
Ad Sidebar


الزراير - شارع النيل - امام برج الساعة
السويس، مصر
الجوال: 01007147647
البريد الألكتروني: admin@suezbalady.com

تويتر

تم إلغاء امتحان عشان الجو حر وناس خدت اجازة ومش هتخرج من البيت كل دة عشان يومين حر... عاملين حساب الحر يا ترى مين ع… https://t.co/XkyF9crxG5
#بلاغ_لمحافظ_السويس مدير المرفق عاوز ينقل 7 اداريين للشاليهات عشان بيتكلمو عن المخالفات ومنها سواقين المرفق اغلبهم… https://t.co/zkMGGS4Zwu
#استغاثة ...عامل خدمات 5% "تخلف عقلي معتدل" خلوه يوقع على عهدة وبيهددوه باحالته للتحقيق #مديرية_الصحة السيد الرئيس… https://t.co/CL0hsBmvor
Follow جريدة السويس بلدي on Twitter
.Copyright © 2019 SuezBalady